Om Nyborg skyttarlag
Nyborg Skyttarlag blei stifta 17.mai 1899.
Nyborg Skyttarlag hadde fram til 1982 ei god skytebane på Nyborg, 3 km frå noverande skytebane. Hausten 1985 oppdaga ein området som idag er laget si skytebane Tjørneleitet. Fyrste spadetak på den nye bana vart teke 26.februar 1986 og bana var klar til bruk i jubileumsåret 1989. Anlegget hadde då 20 skiver på 200m og 8 tvillingskiver på 100m, leirduebane, storviltbane og eit skyttarhus på 200 kv.m. Laget har også si eiga miniatyrbane med opphaldsrom i kjellaretasje under Dalsøyra skule/samfunnshus. Denne bana vart bygd i 1977. I 2003 oppdaterte laget innandørsbana til 6 elektroniske skiver. I år 2001 i forkant av Vestlandsstemnet oppgraderte me annlegget med 16 elektroniske megalink skiver. I 2002 rehabiliterte me skyttarhuset og me fekk elektronisk storviltbane. På skytebana har me ei stang/felthurtig bane.
Laget har 2 årlege opne stemner. Nyborgstemnet i miniatyr blir som oftast arrangert i januar/ februar, mens Nyborgstemnet i baneskyting har dei siste åra blitt arrangert i byrjinga av mai samtidig som Oppedal/Brekke Skyttarlag sitt årlege banestemne.
|